KosovA tek AlbEmigrant

Kritika dhe debati Mbi “Platformën e Shqipërisë natyrale”, të Koço Danaj

Nga Dr. Sulejman ABAZI (NESHAJ)

Sot në opinionin shqiptar qarkullon një Platformë e Shqipërisë Natyrale, e cila pretendon se parashtron objektivat dhe afatet në realizimin e aspiratës shekullore të shqiptarëve për Bashkim Kombëtar të shtrirë në 7 faza kryesore. Nuk mohoet dëshira e madhe që kanë njerëzit për të kontribuar në çështjen kombëtare, të nisur nga dashuria që kanë për atdheun e tyre, Shqipërinë. Kjo është e natyrëshme dhe në të gjitha rastet meriton të përgëzohet. Përmbajtja e librit nuk “gjykon me pathos” (megjithëse për shumë raste do t’u bashkohesha opinionistëve për këtë çështje), por nënvleftëson elementët gjeopolitikë dhe gjeostrategjikë, të cilët varen në ndëthurjet dhe ndërmarrjet e veprimit të faktorit ndërkombëtar, përballë interesave të tyre në këtë rajon. Nuk besojmë se arrin të vlerësohet me vend përçmimi në parathënien e librit për gjithçka shqiptare, duke vënë shenjën e barazimit me produktin e politikës shqiptare në këto 20 vjet.

Historia e Shqipërisë është e shtrirë thellë në antikitet dhe e lidhur fort me të sotmen shqiptare. Ndoshta do të ishte me vend gjykimi i problemit shumë më gjerë se sa kaq, me gjithçka që kanë bërë, bëjnë dhe arrijnë të realizojnë shqiptarët brenda dhe jashtë hapësirës së tyre jetike e etnike në shërbim të përmirësimit të jetës së tyre dhe në shërbim të çështjes kombëtare. Jemi të vetëdijshëm se, jo çdo gjë që ka ndodhur në dy dekadat e fundit, ngjarjet kanë qenë në dorën e politikbërjes shqiptare, se nëse do të ishte kështu, atëherë për Brukselin, Rugovën, Berishën, Nanon apo dhe të tjerë “politikuaj”, rinia shqiptare nuk do të rrëmbente armët për të shpërbërë zinxhirin e kolonizimit, në kërkim të lirisë dhe pavarësisë kombëtare, por do të duhej të priste deri në pafundësi, që këtë t’ia “falte” Milloshi dje dhe Tadiçi e Gruevski sot. Djemtë dhe vajzat shqiptare të UÇK-ve u ngritën, luftuan dhe kërkuan fitoren. Vazhdo leximin e shkrimit Kritika dhe debati Mbi “Platformën e Shqipërisë natyrale”, të Koço Danaj

Pse ekstremistat islamik veprojnë kundra patriotit dom Anton Kçira

Po e tham qyshe ne fillim se Dom Anton Kçira nuk i ka zgjedhe fjalet e pershtatshme per te thane ate qe ai, dhe neve te gjithe, e kemi mendue ne momentin e zemrimit te madh nga akti i shemtuem terrorist i tre vllezerve shqiptar musliman Duka kundra shpetimtarve amerikan te Kosoves dhe per te cilin ato u denuen nga gjykata me burgim te perjetshem tue turpnue para te gjithe botes racen shqiptare si mosmirenjhse dhe terroriste islamike, siç kan propagandue gjithmone, edhe sot, serbet. Pikrisht me kete argument te “terrorizmit islamik shqiptare”, serbet e kan justifikue gjenocidin e turpshem antishqiptar ne Kosove.

Tue marre parasyshe kontributin e madh shume vjeçar te dom Anton Kçires ne te mire te botes mbarshqiptare dhe ne te mire te mirekuptimit nderfetar ne mes shqiptarve , asht e qarte si drita e diellit dhe krejte afer mendsh, natyrisht per nji mende te shndoshte e jo te smure nga fanatizmi, se fjalet e Dom Anton Kçires te thanuna ne ate moment kane kete kuptim:

“Po te mos kishin qene kryesisht ushtritë shpetimtare amerikane, ateher te gjithe kosovart (me shumice absolute muslimane) do ti kishte mbyte krimineli Millosheviq si qej”. Vazhdo leximin e shkrimit Pse ekstremistat islamik veprojnë kundra patriotit dom Anton Kçira

Qerim Vrioni: PO AFROHET 100 VJETORI I PAVARESISE

Janë para të gjithë shqiptarëve ende rreth 1000 ditë për të mbritur tek data e madhe 28 NËNDOR 2012, kur mbushen plotë 100 vjet nga dita kur, Atdhetarët Shqiptarë, me Ismail Qemalin në krye, shpallën në Vlorë, Pavarësinë e Shqipërisë. Kjo, përbën ngjarjen më të madhe të kombit tonë, madje jo vetëm të shekullit XX.

Në çdo vend e kohë, arritja e “moshës shekullore” për çfarëdolloj ngjarje politike, historike, kulturore e shkencore, përbën një eveniment të veçantë që kremtohet e nderohet me gëzim e madhështi. Kjo, është e natyrshme, sepse përvjetorët nuk janë të befasishëm e të papritur, ata vijnë ngadalë, duke iu lënë kohë njerëzve t’i presin e përcjellin si duhet. Vazhdo leximin e shkrimit Qerim Vrioni: PO AFROHET 100 VJETORI I PAVARESISE

Leter e Prof.Ass.Dr.Thanas L.Gjikes drejtuar Keze Zylos

Reagim reth shkrimit te Keze Zylos me titull “ALI PASHË TEPELENA, BONAPARTI MYSLIMAN…” te publikuar ne gazeten TribunaShqiptare te dates 16 mars 2010 ( http://tribunashqiptare.com/news/119/ARTICLE/3678/2010-03-16.html ).

Zonja Kozeta Zylo!

Për këtë shkrim ju janë berë mjaft verejtje e sugjerime nëpër forumet mediatike ku e keni hedhur, por ju nuk doni të evoloni aspak lidhur me vlerësimet tuaja për Ali Pashen. Vijoni, pa bërë asnjë ndryshim, ta hidhni sa në një forum në tjetrin. Një sjellje e tillë tregon se ju nuk po kuptoni se detyra e cdo shqiptari demokrat është të evolojë për mirë dhe jo të ngulë këmbë si mushka për të mbrojtur bindjet e gabuara të formuara gjatë kohës së diktaturës komuniste. Duke u përpjekur të njohim karakterin jo atdhetar dhe krimet e sundimtarëve si Ali Tepelena nuk do të thotë se hedhim baltë kundër vlerave të popullit tonë: Vazhdo leximin e shkrimit Leter e Prof.Ass.Dr.Thanas L.Gjikes drejtuar Keze Zylos

Deklarate e Perbashket e Komunitetit Shqiptar te Michiganit

Te nderuar Derejtues te Larte te Republikes se Shqiperise dhe Republikes se Kosoves!
Te nderuar Klerike, dhe Drejtues te Institucioneve Fetare Shqiptare!
Te nderuar perfaqesues te Ambasadave dhe Konsullatave Shqiptare!
Te nderuar perfaqesues te Mediave te Shkruara dhe Elektronike!

Me lejoni t’ju dergoj bashkelidhur nje deklarate te perbashket te perfaqesuesve te shoqatave dhe institucioneve shqiptare te Michiganit.
Kjo deklarate shpreh reagimin e perbashket per nje incidet te panevojshem, te krijuar nga publikimi ne YouTube dhe ne disa media shqiptare, te nje video montazhi qe ka lidhje direkte me Komunitetit Shqiptar te Michiganit.

Duke ju falenderuar per mirekuptimin,
Me respekt,
EKREM BARDHA

Konsull i Nderit i Republikes se Shqiperise ne Michigan (248) 851-7310
bardha@aol.com

DEKLARATE

Nga: Perfaqesues te Institucioneve dhe Shoqatave te Komunitetit Shqiptar te Michiganit

Drejtuar: Opinionit Publik Mbareshqiptar

Date: 16 Mars, 2010

Michigan, U.S.A. Vazhdo leximin e shkrimit Deklarate e Perbashket e Komunitetit Shqiptar te Michiganit

Virusi politik është kancer për Universitetin e Tetovës

Prof. Fadil Sulejmani, anëtar i Këshillit të pavarur për ndryshime jopolitike ne UT

Politizimi i UT-së e ka kthyer këtë insitutucion arsimor-edukativ jo vetëm në një qendër politike partiake, por edhe korrupsioni

Politizimi i Universitetit të Tetovës ka shkaktuar aty jo vetëm çrregullime në procesin mësimor-shkencor, keqtrajtime e diskriminime të kuadrove, ngulfatje të shkencës e të artit, por edhe keqpërdorime financiare, pozitash e postesh të individëve partiakë aty. Vazhdo leximin e shkrimit Virusi politik është kancer për Universitetin e Tetovës

Dr.Prof.Riza Sadiku: REAGIM KUNDËR NJOLLOSJES TË PERSONALITETIT DOM ANDON KÇIRËS

riza_sadiku Dr. Prof. Riza Sadiku – Këshilltar në Muzeun e Kosovës

Në kohën e fundit në mjetet elektronike dhe ato informimit si në Kosovë dhe jashtë saj, me të madhe flitet, shkruhet dhe organizohen emisione speciale televizive, me tendenca të degradimit të personalitetit të Dom Andon Kçirës, duke e përbaltur dhe e paraqitur atë, si antifetar dhe antikombëtar të shqiptarëve, bazuar në një video-inçizim të muajt maj të vitit 2007, duke mos përmendur asnjë kontribut të tij, për Kosovën dhe mbar kombin shqiptar.

Duke më ra në sy këto zbulime “epokale” dhe emisione me plotë pompozitet, vendosa të bëjë një reagim modest, jo që ka mbet Dom Andon Kçira ta mbroj unë, atë e mbron puna e vetë kombëtare, por unë ndjeva një obligim të veçantë moral, të reagoj ndaj gjithë këtij pluhuri që çohet kundër tij, pasi kamë pas rastin ta njoh personalisht, dhe kamë qenë dy herë i pranishëm në audiencën e tij, në Kishën e “Shën Palit” në Detroit, në vitin 2005 dhe në vitin 2009, si dhe posedojë një numër të konsiderueshëm të materialeve, në të cilat bëhet fjalë për veprimtarinë e tij kombëtare.

Takimet e mia me Z. Dom A. Kçirën kanë qenë zyrtare, pasi Muzeu i Kosovës ka pesë vite që punon në një projekt për realizimin e ekspozitës tematike “Amerika për Kosovën”, autor i të cilit është artikullshkruesi. Në vitet e lartcekura kamë qenë te Z. A. Këçira për marrjen e materialeve që kanë të bëjnë me kontributin kombëtar për Kosovën që ka dhënë Kisha Katolike në Detroit, si dhe ai vetë personalisht. Kombëtarizmën që kamë vërejt në hollin, sallat dhe rezidencën e Z. Dom Andon Kçirës në Kishën Katolike të “Shën Palit” në Detroit, nuk e kamë vërejt në asnjë institucion tjetër fetar, pasi në SHBA, kamë vizituar edhe shume institucione tjera fetare si Xhania, Teqe dhe Kisha katolike dhe ortodokse shqiptare. Vazhdo leximin e shkrimit Dr.Prof.Riza Sadiku: REAGIM KUNDËR NJOLLOSJES TË PERSONALITETIT DOM ANDON KÇIRËS

Xhenc Bezhi: NENAVE GJAKOVARE (poezi)

XhencBezhi

(Ne foto autori poezise Xhenc Bezhi)

Me se një dekade
Gurrat e ballit tuaj
Nuk shteruan

Me se një dekade
Shpresë-shterur
Pritja

Vendet bosh
Rreth tryezës

Me se një dekade
Zëri juaj shesheve
Ne vesh te shurdhër Vazhdo leximin e shkrimit Xhenc Bezhi: NENAVE GJAKOVARE (poezi)

Ali Pashe Tepelena një shtypës satrap i popullit shqiptar

(Ne foto Prof.Ass. Dr.Thanas L. Gjika)

Titulli i shkrimit asht: DUKE LEXUAR VEPREN ALI TEPELENA TE F. PUKEVILIT

Nga Prof.Ass. Dr.Thanas L. Gjika

E mora për ta lexuar veprën historike Ali Tepelena të Fransua Pukevilit (François Pouqueville), konsullit francez në Janinë, të përkthyer prej Ardian Klosit, me përtesë dhe një ndjenjë dyshimi, mbasi kisha krijuar idenë se ky përkthyes synon të sjellë në shqip vrerin që kanë derdhur të huajt për shqiptarët. Mirëpo dola i gabuar, sepse kësaj radhe z. Klosi ka bërë një punë të lavdërueshme që përbën një ngjarje kulturore dhe shkencore me vlera të dukshme. Leximi i vëmendshëm i kësaj vepre ndihmon dukshëm për saktësimin dhe evoluimin e mendimeve tona lidhur me vlerat dhe kundërvlerat e sundimtarit të Janinës.

Fatkeqësisht të gjithë ne shqiptarët që jemi formuar me tekstet shkollore të hartuara gjatë kohës së diktaturës komuniste, si dhe me këto të kohës së tranzicionit, tekste të cilat, si ka vënë në dukje me të drejte z. Klosi, e kanë vlerësuar tepër positivisht Ali Pashë Tepelenën, duke ecur në hullinë e hapur prej diktatorit Enver Hoxha. Pra, si për shumë figura e fenomene shoqërore edhe për sundimtarin e Janinës, mendimet tona kanë qenë e vijojnë të jenë të politizuara dhe na duhet të punojmë për t’u kthjelluar e qartësuar. E dij se tepelenasit e kanë më të vështirë hedhjen e një hapi të tillë mbasi për gati 50 vjet janë ushqyer me mendimin enverist se Aliu i ka nderuar, se ai ka qenë një udhëheqës i zoti që mëkëmbi idenë e pavarësisë kombëtare, një burrë shteti që mund të përqasej me Gjergj Kastriotin, etj, etj. Enver Hoxha, duke dashur të sfidonte historianët e t’u tregonte se si ta shkruanin historinë tonë kombëtare, reabilitoi Haxhi Qamilin nga një rebel që ngriti krye kundër qeverisë së Ismail Qemalit më 1913, në një udhëheqës të revoltës popullore antifeudale; dhe Ali Tepelenën nga një shtypës e satrap të popullit shqiptar e shpalli patriot e figurë të shquar të kombit tonë që luftoi kundër sulltanit për krijimin e një shteti shqiptar të pavarur. Vazhdo leximin e shkrimit Ali Pashe Tepelena një shtypës satrap i popullit shqiptar

Cilat do të jenë të Drejtat e Njeriut ne Arabinë Saudite ?!?

( Ne foto profesori Dr.Sami Alrabaa )

Lexova ne gazeten “EuropeNews” shkrimin e profesorit Dr.Sami Alrabaa
(teksti anglisht ne http://europenews.dk/en/node/13862 ).

Ne kete shkrim nder te tjera autori shkruen:

“….. King Abdullah, the absolute monarch of Saudi Arabia, said on a televised speech August 27, 2008, “We do not need democracy, we do not need political parties, we do not need Western human rights, we do not need their freedom of speech. What we need is the Koran. It regulates our life perfectly. It is the best legislation in the history of mankind, it is the word of Allah. There is nothing better than Allah’s law……” Vazhdo leximin e shkrimit Cilat do të jenë të Drejtat e Njeriut ne Arabinë Saudite ?!?

Vaso Pasha: O moj Shqypni, e mjera Shqypni

O moj Shqypni, e mjera Shqypni,
Kush të ka qitë me krye n’hi?
Ti ke pas qenë një zojë e randë,
Burrat e dheut të thirrshin nanë. Vazhdo leximin e shkrimit Vaso Pasha: O moj Shqypni, e mjera Shqypni

Pashko Vasa (1825-1892)

Pashko Vasë Shkodrani (1825-1892) Pashko Vasa, i njohur sidomos me emrin Vaso Pasha, është një ndër udhëheqësit më të hershëm e më të njohur të lëvizjes sonë kombëtare. Ai ka hyrë në historinë e Rilindjes si ideolog dhe si poet i saj.

Lindi në Shkodër më 1825. Mësoi disa gjuhë të huaja si autodidakt dhe fitoi një kulturë shumë të gjerë për kohën. Rreth vitit 1847 shkoi në Itali dhe mori pjesë me armë në dorë në revolucionin e Venedikut kundër pushtimit austriak. U tregua trim dhe me aftësi ushtarake. Pas dështimit të kësaj lëvizjeje, P.Vasa u vendos në Stamboll. Në Turqi P.Vasa u ngrit në shkallën e lartë të hiearkisë shtetërore. Nga viti 1883 e deri sa vdiq, më 1892 në Bejrut, ishte guvernatori i përgjithshëm i Libanit.
Gjatë gjithë jetës së tij, P.Vasa s’ka rreshtur së menduari për Shqipërinë dhe ka dëshiruar ta shohë të lirë, të pavarur, e të kulturuar. Veprimtaria e tij politike fillon në vitet ‘60 në Stamboll, ku bashkëpunoi me K.Kristoforidhin, I.Qemalin, H.Tasinin. Mori pjesë në përpjekjet për oragnizimin e shoqërive patriotike e kulturore, për krijimin e një alfabeti të shqipes dhe bashkë me S.Frashërin ishte ndër themeluesit e Shoqërisë së të Shtypurit “Shkronja Shqip”. P.Vasa qe një nga frymëzuesit kryesorë të Lidhjes Shqiptare të Prizerenit dhe mbrojti me forcë çështjen kombëtare në Stamboll dhe në qarqet diplomatike jashtë perandorisë.
Veprimtarinë letrare, P.Vasa e zhvilloi kryesisht në vitet ‘50-’60 të shekullit XIX. Gjithë krijimtaria e tij lidhet ngushtë me atdheun, me historinë dhe lashtësinë e popullit shqiptar, me mbrojtjen e të drejtave të tij si komb. “A mos është krim ta duash vendin tënd? – shkruante ai. – Ajo që është një cilësi, një virtyt për të tjerët, nuk mund të jetë tjetër gjë për ne”. Shkroi poezi, prozë artistike, publicistikë dhe libra gjuhe. Veprat më të rëndësishme të P.Vasës janë: përmbledhja me vjersha “Trëndafila dhe gjemba”(1873), ku flet me zjarr e mall për vendlindjen dhe dëshiron lirinë e Shqipërisë. Vazhdo leximin e shkrimit Pashko Vasa (1825-1892)

BURRIT TË DUKAGJINIT Dom Anton Kçirraj-t

( Poezi-poemë kushtue imzot Dom Anton Kçirraj-t )
Nga Selim Mustafë Hasanaj

I
Sikur dy drangoj, sikur dy azgana
Lugu i Baranit mban mend dy Antona
Plakun Anton Çetta per fjalët e mira
Ndersa per trimnì priftin Anton Kçirra.
II
Kur duhej bashkimi per ta bà fuqinë
Dhe kur rè të zeza kishin m`blue Shqipnìnë
Kur serbi mizor na shterngonte lakun
Dom Anton Kçirra per popull falte gjakun.

Vazhdo leximin e shkrimit BURRIT TË DUKAGJINIT Dom Anton Kçirraj-t

At Viktor Volaj, Mbërrijnë dorëshkrimet e vyera në Arkivin e Françeskanëve

(Ne foto At Viktor Volaj O.F.M.)

Autori shkrimit At Viktor Demaj O.F.M.

Urdhin Françeskan që sapo mbushi 800 vjetorin e themelimit të tij nëpërmjet Provincës Françeskane Shqiptare i ka dhurue popullit shqiptar Françeskan e idealista të vertetë që me jetën e veprën e tyne kanë përhapë paqe, dije, kulturë, vëllaznim mes bijve të Arbënit. Janë shque me përkushtimin e tyne në fushat e ndryshme të inteligjencës shqiptare. Po të mos ishte Fra Pali prej Hasit nuk do të kishim vjerrshat e para në gjuhen shqipe që janë të përfshime në veprën e Pjetër Budit. Nuk do të kishim Gramatiken e parë shqipe po të mos kishim misonarin fra Françesko Maria Da Leçe, e kështu me rradhë. Nji tjetër françeskan arbnesh, At Leonardo De Martino na dhuroi vjerrsha të bukura në gjuhën gege me nji stil të artë që u përket vetëm poetve të medhaj. Rreshti i tyne përfshin nji plejadë kolosësh ku arriten majat me Mons Vinçenc Prennushin poetin e ambëlsisë dhe shijes poetike, At Gjergj Fishtën, At Anton Harapin, At Zef Pllumin, etj.
Bash në rreshtin e këtyne ban pjesë nji tjeter Françeskan At Viktor Volaj që, bashkë me zhgunin bojë kafe, me konopin tre nyjesh muer misonin me dashtë Shqipninë e me vashdue rradhën në rreshtin e françekanëve për Fe e Atdhe.

Veprimtaria e tij shkencore
At Viktor Volaj pak i njoftun prej publikut shqiptar ka dhanë ndihmesen e tij në fushën e studimeve shqiptare. Fatkeqësisht nuk ekziston vepra e tij e plotë, përveç veprës Famullia e Bizës e botueme në Kosovë në vitin 2005 nga françeskanët e atjeshem. Kjo për shumë arsye. E para se në kulmin e krijimtarisë së tij në Shqipni u instalue diktatura komuniste, që çoi në eleminimin e këtyne figurave nëpër fushat e ndryshme kulturore. U detyrue At Viktori të punojë në heshtje, në vetmi, i izoluem në boten e tij prej nji akademiku të vertetë. Edhe pse në ketë gjendje ai e dha kontributin e vet në studimet shqiptare. Arsyeja e dytë asht se krijimtaria e tij ndodhet e botueme nëpër vepra të ndryshme, dhe njikohësisht e shpërndame nëpër dosje dhe e pa botueme. Vazhdo leximin e shkrimit At Viktor Volaj, Mbërrijnë dorëshkrimet e vyera në Arkivin e Françeskanëve

Paul Tedeschini: Kush asht shkrimtari dhe piktori Lek Pervizi?

Lek Pervizi-2 (Ne foto shkrimtari Lek Pervizi ne studjon e tij ne Bruksel)

Lek Pervizit, ish i perndjekur politik i njohur shqiptar, botohet ne Paris nga Shtepia Botuese e permendur L’Harmattan, me librin me poezi dy gjuheshe shqip-frengjisht, ne mars 2010 me titull “Pétale de Rose” (Petale Trendafili), ne botimin “Poete te pese kontinenteve”, ku radhitet me emna te tille si : Rainer Maria RILKE, Paul Henri LERSEN, Jean Herold PAUL, Parick WILLIAMSON, Béatrice GOLKAR, Antonio CARJAVAL, etj.
Nuk asht hera e pare qe ky autor shqiptar boton ne Belgjike, France, Itali, pa pase nevoje te perkthehet, si njohes i ketyne gjuheve, perveç se ne Shqipni, prej vitit 2000 e deri me sot, 2010, libra me poezi qe kane hy ne bibliografine e shteteve perkatese dhe jane shpernda ne librarite e bibliotekat europiane.

Disa poezi te tija jane vleresue me çmime te veçanta, dhe per nje permbledhje prej 20 poezishe, siç kemi informue, i asht akordue Cmimi Special ” Il Convivio” (Gostia) 2009, si poet ma i mire i huej nga Akademia Nderkombetare e Poezise, Prozes etj, ne qytetin antik te Naxos ne Sicili.

Mendoj qe asht mire qe keta shkrimtare e poete, si dhe artiste, qe gjene mirepritje dhe vleresim nga bota e jashtme, te mund te njohen dhe vleresohen e çmohen edhe nga bashkatdhetare tone, per deri sa jane afirmue per talentin dhe krijimtarin e tyne artistike – letrare, aq ma teper kur nje njeri si Lek Pervizi, i dalun nga burgjet e kampet e diktatures komuniste qe nuk i jepte mundesi afirmimi per aftesite e cilesite krijuese si ne art, ashtu ne poezi e proze, por e kishte degdise ne rrathet danteske te ferrit komunist. Vazhdo leximin e shkrimit Paul Tedeschini: Kush asht shkrimtari dhe piktori Lek Pervizi?

OPERACIONI PËR SHPOPULLIMIN DHE SERBIZIMIN E KOSOVËS NGA SLLOBODAN MILLOSHEVIQI DHE TË TJERET …

Nga Flori Bruqi
(Pjese nga shkrimi me te njajtin titull)

Pas publikimit të Memorandumit të vitit 1995, shovinizmi serb ishte gati të vërsulej gjithandej në Kosovë, mirëpo kësaj rradhe, me serbomdhenjët, ishte duke ndodhur diçka më e veqantë: ata, nuk po kënaqeshin vetëm me nënshtrimin e shqiptarëve dhe të Kosovës. Egërsia e tyre e vjetër, kishte tani synim: krijimin e “Serbisë së Madhe” deri në Karllobag, por nën ombrellën e Jugosllavisë. Shovinistët serbë, dukej që ishin duke e synuar për më vonë, dominimin e gjithë Ballkanit. Në tubimin e serbëve dhe të malaziasëve në Fushëkosovë të datës 24 prill të vitit 1987, kryetari i atëhershëm i Lidhjes Komuniste të Serbisë, Sllobodan Millosheviq, u tha atyre: “Askush s’gëxon t’ju prekë…” Kjo fjali e thënë në “Fushën e Mëllenjave”, aty ku më 1389 kishte ndodhur beteja e Ballkanasëve dhe e Turqëve, betejë kjo të cinë serbët e kanë përvetësuar deri në mitizim, i ekzaltoi serbët, dhe u dha atyre besim e zjarr, për t’u hedhur në sulm të realizimit të aspiratave të tyre të çmendura.

Megjithatë, figura e Millosheviqit, nuk ishte rastësi: ai, ishte një sajesë në vijim. Të yshtur nga ideologjia serbomadhe, pas asaj që ai tha në Fushëkosovë, grigjat nacionaliste serbe u hodhën në zjarrin e tyre: në përkrahje hitlerizim të figurës së Milosheviqit: intelektualt, gazatarët, policët, agjentët, fshatarët, studentët, gjeneralët, shkrimtarët, punëtorët, diplomatët etj. Në Mbledhjen e Tetë të Këshillit Qëndrorë të Lidhjes së Komunistëve të Serbisë të mbajtur më 23 – 24 shtator ( 1987 ), Slobadan Milosheviqëi, erdhi në krye të komunistëve serbë. Nga skena u larguan njëri nga komunistët e devotshëm serbë Ivan Stamboliqi ( kryetar i Kryesisë së Sebisë ) dhe, Dragisha Pavlloviqi, kryetar i KK të LK të Beogradit. Pra, kishim të bënim me dy fraksione. Vazhdo leximin e shkrimit OPERACIONI PËR SHPOPULLIMIN DHE SERBIZIMIN E KOSOVËS NGA SLLOBODAN MILLOSHEVIQI DHE TË TJERET …

Vera Dushi: PJESËMARRJE NGA FAJI KRIMINAL

Vera Dushi Në përkujtimin partiakizuar të fillimit të luftës së Ushtrisë Çlirimtare Kombëtare, ku „merrnin pjesë struktura të larta partiake” të BDI-së, Ali Ahmeti deklaroi:

“Jemi në momente tepër të rëndësishme kur duhet të investojnë shqiptarët për paqen stabilitetin sigurinë ardhmërinë apo për lufta, konflikte, destabilizim. Mendoj që luftërat shqiptarët i kanë kryer me sukses. Kosova shtet i pavarur, shqiptarët e Maqedonisë me status shtet-formues, me ndryshime rrënjësore në kushtetutën e Maqedonisë, me universitete dhe emblema për të gjitha luftërat që janë realizuar në këto hapësira” (www.bdi.org.mk)

E para, lufta e UÇKombëtare nuk është diçka që i përket vetëm një partie gjoja „e dalë nga lufta” por i përket tërë popullit shqiptar si revoltë kundër pushtuesit dhe kolonizatorit sllavo-maqedonas. Si rrjedhojë, BDI-ja nuk ka të drejtë të organizojë përvjetorë elektorale të luftës. Vazhdo leximin e shkrimit Vera Dushi: PJESËMARRJE NGA FAJI KRIMINAL

QENIA NË BALLË TË STRUKTURAVE TË FDBK, AS NUK KA QENË DHE AS NUK ËSHTË PRIVILEGJ DHE LUKS, POR PËRKUNDRAZI…!

fdbk 1 Nga GAFURR ADILI

DREJTUAR:

Gjithë anëtarëve e simpatizantëve të Frontit Demokratik të Bashkimit Kombëtar (FDBK), në trojet e Shqipërisë Etnike dhe në diasporën shqiptare:

Vëllezër e motra të idealit tonë kombëtar shqiptar!

Shokë e shoqe të idealit të ribashkimit kombëtar!

Djemë e cuca heroike, ardhëmeria dhe artitektet e Shqipërsië së Ribashkuar!

Gjatë gjithë aktivitetit t’im në krye të ish FBKSH (Fronti për Bashkim Kombëtar Shqiptar) dhe të strukturave të tij: Armata Kombëtare Shqiptare (AKSH) dhe Sigurimi Kombëtar Shqiptar (SKSH), që nga 12-13 korriku i vitit 2002, kur edhe u themelua FBKSH dhe unë (në mungesë) edhe u zgjodha Kryetar i FBKSH-së dhe Komandat Suprem i AKSH-së, dhe edhe tani (nga 27 dhe 28 nëntori i vitit 2009), kur FBKSH u reformua në FDBK, dhe përseri u rizgjodha Kryetar i Frontit Demokratik të Bashkimit Kombëtar (FDBK), kam arrijtur të kuptojë se, shumë vëllezër e motra të idealit tonë kombëtar shqiptar, shumë shokë e shoqe të idealit të ribashkimit kombëtar dhe edhe shumë djemë e cuca heroike e artitektë të Shqipërisë së Ribashkuar, kanë kujtuar se, qenia e tyre në ballë të ish FBKSH-së dhe tani edhe të FDBK-së , na paska qenë një luks dhe një privilegj, nga të cilat detyra e funksione edhe mund të përfitojnë për vehten dhe familjet e tyre, siç kanë berë dhe vazhdojnë të bejnë udhëheqësit e partive të shumta të Tiranës, të Prishtinës, të Tetovës dhe…. Vazhdo leximin e shkrimit QENIA NË BALLË TË STRUKTURAVE TË FDBK, AS NUK KA QENË DHE AS NUK ËSHTË PRIVILEGJ DHE LUKS, POR PËRKUNDRAZI…!

RRAPI SHEKULLOR DHE PACËRKAT E PROLETARIZMIT VEHABIST

Nga Mr.sc.Nue Oroshi

Shpeshëherë kam dëshirë që me qetësinë dhe akullin e ftohtë të mendjes t‘i shkruaj rreshtat, që asesi mos të bijnë pre e ndonjë ngutije të përshpejtuar. Ka ditë që në të gjitha trojet Etnike Shqiptare dhe në Diasporë sulmohet atdhetari, prifti, kombëtari dhe ambasadori i pashpallur i popullit shqiptar në shtetin tonë mik, në Amerikë, i përndritshmi dom Anton Kçira.

Ka kohë të gjatë që mendoj ta shkruaj një reagim rreth këtyre ngjarjeve jo të favorshme që u gjend e po gjindet kombi im shqiptar, në këto ditë ku po luftohet në mes të mbrojtjes së identitetit kombëtar – drejtë vlerave Perëndimore – Amerikano – Evropiane, apo hudhjes në humnerë të këtyre vlerave kombëtare, siç po bëjnë disa partizanë të proletarizmit vehabist, që mjerisht drejtimin e politikës shqiptare dëshirojnë ta orjentojnë drejtë shkrepave të Azisë, drejtë atyre vendeve ku shqiptarët nuk i lidhë azgjë. Rrapi Shekullor është pikërishtë atdhetari Dom Anton Kçira. Ai për rreth katerdhjetë e tri vjetë qëndroi besnik dhe i pathyer idealit kombëtar dhe fetar. I brumosur me atdhetarizem, prifti i kombit dhe i fesë, prifti i besës dhe i burrnisë Dom Anton Kçira, asnjëherë gjatë tër jetës së tij nuk ishte lëkundur por si një rrap shekullor ju kishte prirë proceseve kombëtare për katër dekada me radhë, dhe jo rastësisht Kisha ku shërbenë Dom Anton Kçira, në Michigan te Detroitit, ishte ambasada e parë ku pushonin dhe e merrnin bekimin të gjithë presidentët, liderët, ushtarakët, kryeministrat, dhe të gjithë atdhetarët shqiptarë që vizitonin Amerikën. Para se të hynin në kishë ata qmalleshin me Gjergjin e Kastriotëve, e si në kujtime ju fliste përpara rapsodi: Vazhdo leximin e shkrimit RRAPI SHEKULLOR DHE PACËRKAT E PROLETARIZMIT VEHABIST

DON ANTON KÇIRA DHE FILISTINËT TANË

prend-buzhala Nga Prend BUZHALA

Tashmë don Anton Kçira ka hyrë në mesin e atyre personaliteteve shqiptare që janë mallkuar fundbotshëm dhe që u janë ngritur apologji. Për të, tashmë ka qindra artikuj, por ka edhe libra monografikë. Dhe “analizat” rreth Kokës së zotnisë (të na falni që e përdorim fjalën zotni, sepse kështu të krishterët e rëndomtë e thërrasin tradicionalisht meshtarin e tyre), nuk pushojnë së linçuari rreth tryeza histerike nëpër llumpen-facebbok-ët shqiptarë e, aty-këtui, edhe nëpër mediat tjera: të shpallet tradhtar, të varet, të shpallet persona non-grata, u quajt satana, beelzebul e çka jo tjetër!

Një parabolë nga Bibla – për “të pagabueshmit” dhe joblasfemistët e shkrimeve e komenteve në këtë radhë shkrimesh:

Nga shkrimet sipas Dhjatës së Re, në Malin e Ullinjve Jezu Krishti kishte tempullin e tij të zgjedhur, ku i takonte dhe zhvillonte debate farisenjtë, me njerëz skeptikë, po edhe me besimtarë të rëndomtë… Pra, me të gjithë. Ja si përshkruhet kjo në Bibël:

” Dhe Jezusi shkoi në malin e Ullinjve. Por, si zbardhi dita, u kthye përsëri në tempull dhe gjithë populli erdhi tek ai; dhe ai u ul dhe i mësonte. Atëherë farisenjtë dhe skribët i prunë një grua që ishte kapur duke shkelur kurorën dhe, mbasi e vunë në mes, i thanë Jezusit: `Mësues, kjo grua është kapur në flagrancë, duke shkelur kurorën. Por në ligj Moisiu na ka urdhëruar të vriten me gurë gra të tilla, por ti ç`thua?`. Flisnin kështu për ta vënë në provë dhe për të pasur diçka për ta paditur. Por Jezusi, duke u shtënë se nuk dëgjoi, u përkul dhe shkruante me gisht në dhe. Dhe, kur ata vazhdonin ta pyesnin, ai u drejtua dhe u tha atyre: “Kush nga ju është pa mëkat, le ta hedhë i pari gurin kundër saj!`. Pastaj u përkul përsëri dhe shkruante në dhe. Atëherë ata, e dëgjuan këtë dhe të bindur nga ndërgjegjja, u larguan një nga një, duke filluar nga më të vjetrit e deri te të fundit; kështu Jezusi mbeti vetëm me atë grua, që qëndronte atje në mes. Jezusi atëherë u ngrit dhe, duke mos parë tjetër përveç gruas, i tha: `O grua, ku janë ata që të paditnin? Askush nuk të dënoi?`. Dhe ajo u përgjigj: `Askush, Zot`. Atëherë Jezusi i tha: `As unë nuk të dënoj; shko dhe mos mëkato më’.” Vazhdo leximin e shkrimit DON ANTON KÇIRA DHE FILISTINËT TANË